КОНСТИТУЦИЯЛЫҚ ҚҰҚЫҚ

Әкімшілік рәсімдердің ұғымы және субъектілері

Аңдатпа

Мақалада Қазақстан Республикасының Әкімшілік рәсімдік-процестік кодексінде бекітілген әкімшілік рәсімдердің құқықтық мазмұны мен анықтамасы қарастырылады. Автор қолданыстағы заңнамалық анықтаманың жеткіліксіздігін атап өтіп, «әкімшілік орган», «лауазымды тұлға», «әкімшілік іс» сияқты ұғымдардың нақтылану қажеттігін көрсетеді. Азаматтардың петиция беру мүмкіндіктерінің шектелуі, атап айтқанда, тағайындау және қызметтен босату мәселелеріне қатысты қолданылмауы талданады. Қоғамдық тыңдаулардың құқықтық реттелуіндегі кемшіліктер, оның ішінде олардың формалды сипаты мен заңнан төмен тұрған актілерге тәуелділігі қарастырылады. Қорытындысында заңнаманы жетілдіру және қоғамдық тыңдауларды өткізу тәртібін заң деңгейінде бекіту қажеттігі негізделеді.