КОНСТИТУЦИЯЛЫҚ ҚҰҚЫҚ

Жеке тұлғаның құқықтық қауіпсіздігі: ұғымы және мазмұны

Аңдатпа

Осы мақалада «жеке тұлғаның құқықтық қауіпсіздігі» термині билік тарапынан орын алуы мүмкін озбырлықтан тұлға мүдделерінің кез келген түрде қорғалуын білдіреді. Мақалада Ресей Федерациясы мен Қазақстан Республикасының мысалында жеке тұлғаның құқықтық қауіпсіздігі мәселелері қарастырылады. Қазіргі зерттеулерде жеке қауіпсіздік тұжырымдамасына жаңа көзқарастар талданады, оның түрлері мен нысандарына назар аударылады, пайда болу және даму алғышарттары қарастырылады, жаңа тәсілдер мен интерпретациялар іздестіріледі. Ресей Федерациясы мен Қазақстан Республикасының конституцияларына жүргізілген талдау көрсеткендей, жеке тұлға қауіпсіздігі құқықтық институт ретінде де, конституциялық қауіпсіздіктің нысаны ретінде де күрделі жүйелік құбылыс болып табылады және ол ұйымдастырушылық және құқықтық тетіктерді қамти отырып, қазіргі қоғамның әртүрлі салаларында тұлға құқықтарының сақталуын қамтамасыз етеді. Мақалада құқықтық қауіпсіздік пен құқық үстемдігі қағидатының арақатынасы, сондай ақ мемлекет тарапынан конституциялық құқықтарды іске асыру кепілдіктерін қалыптастыру мәселелері талданады. Жеке тұлғаның құқықтық қауіпсіздігі қазіргі құқықтық мемлекеттің іргелі категориясы ретінде қарастырылады.