АЗАМАТТЫҚ ҚҰҚЫҚ ЖӘНЕ ПРОЦЕСС

Медициналық қызметтердің мәні мен құқықтық нысаны

Аңдатпа

Бұл мақалада қолданыстағы заңнама мен медициналық мекемелердің тәжірибесін ескере отырып, медициналық қызметтің мәні айқындалады және құқықтық нысаны ашылады, медициналық қызмет ұғымы мен оның құқықтық нысанына, сондай-ақ медициналық қызмет көрсету шарттарының жіктелуіне авторлық көзқарасы көрсетілген. Зерттеу барысында танымның
жалпы ғылыми және арнайы әдістері қолданылды (нормативтік, салыстырмалы-құқықтық, арнайы әдебиеттерді талдау және теориялық қорытулар, денсаулық сақтау саласындағы нормативтік  құқықтық актілердің мазмұнын талдау және т.б.). Зерттеудің ғылыми және практикалық маңыздылығы азаматтардың денсаулығын қорғау және халыққа сапалы медициналық қызмет көрсету саласындағы құқықтық реттеуді одан әрі жетілдіруге бағытталған қорытындылар мен ұсыныстармен айқындалады. Зерттеу материалдары азаматтардың денсаулығын қорғаудың құқықтық мәселелерін одан әрі ғылыми зерттеуге негіз бола алады, олар заң және медициналық жоғары оқу орындарының студенттері үшін, сондай-ақ медицина қызметкерлерінің біліктілігін арттыру жүйесі үшін пайдалы болу мүмкін.