АЗАМАТТЫҚ ҚҰҚЫҚ ЖӘНЕ ПРОЦЕСС

Қазақстан Республикасының заңнамасына сәйкес тұтынушылардың құқықтарын сот арқылы қорғауды қамтамасыз ету мәселесі

Аңдатпа

Мақалада Қазақстан Республикасының заңнамасы бойынша тұтынушылардың құқықтарын сот арқылы қорғауды қамтамасыз ету мәселелері қарастырылған. Тұтынушылардың құқықтарын қорғау саласындағы Қазақстанның заңнамасына талдау жасалды. Автор 2020 жылғы новеллаларын қолдану тәжірибесі олардың тиімсіздігін көрсеткенін атап өтті, өйткені оларды енгізу нәтижесінде қазақстандық тұтынушылардың сот арқылы қорғалуына конституциялық құқықтарына нұқсан келтірілді. Азаматтардың сот арқылы қорғалуына конституциялық құқықты ескере отырып, тұтынушылардың уәкілетті немесе мемлекеттік органдарына жүгіну сатысы міндетті емес, факультативтік болу қажеттілігі ұсынылады. Сондай-ақ дауларды шешудің баламалы әдістерін одан әрі дамытуға назар аударылады, олардың арасында бүгінде төрелік сот (арбитраж) басты рөл атқарады. Тәжірибеде тұтынушыларды әділетсіз схемалар арқылы алдаудың, әділетсіз «қалта» арбитраждардан туындайтын мәселелерді ескере отырып, автор тұтынушылардың құқықтарын қорғау механизмдерін жетілдіру жолдарын және шешімдерін ұсынады.