ЖАС ҒАЛЫМ МІНБЕРІ

Әскери қылмыстық құқық бұзушылықтардың алдын алу

Аңдатпа

Мақалада әскери қылмыстық құқық бұзушылықтардың алдын алудың кейбір мәселелері қарастырылған. Автор әскери қызметшілер арасында құқық бұзушылықтың өсу себептеріне, әскери тәртіптің мәніне және оны нығайтудың құқықтық жолдарына ерекше назар аударады. Әскери ортадағы қылмыстылықпен күресудің тиімді тәсілдері, оның ішінде психологиялық, әлеуметтік және ұйымдастырушылық шаралар қарастырылған. Құқық бұзушылықтың алдын алу – криминология мен қылмыстық құқықтың басты мақсаты екені көрсетіледі. Ведомствоаралық үйлестіру мен заңнамалық базаны жетілдірудің маңыздылығы атап өтіледі. Мақалада әскери қызметшілердің әлеуметтік қорғалуын арттыру қажеттілігі де айтылған. Осы мәтін негізінде қылмыстық профилактиканы жетілдіруге бағытталған бірқатар тұжырымдар жасалды.