КОНСТИТУЦИЯЛЫҚ ҚҰҚЫҚ

Қазақстан Республикасында конституциялық заңнаманы одан әрі жетілдіру мәселелері

Аңдатпа

Мақалада Қазақстан Республикасындағы конституциялық заңнаманы одан әрі жетілдірудің өзекті мәселелері мен перспективалары талданады. Авторлар конституциялық реформа барысында енгізілген негізгі саяси-құқықтық өзгерістерді қарастырады. Мақалада Қазақстандағы демократиялық негіздер мен заң үстемдігін нығайтуға бағытталған құқықтық тетіктерді жетілдіру бойынша ұсыныстар берілген. Конституцияның тиісті нормаларын қайта қарау қажеттігіне, Мәжіліс депутаттарын партиялық тізім бойынша ғана емес, мажоритарлық округтер бойынша да сайлаудың орындылығы, партияларды рұқсат беру-тіркеу жүйесінен есепке алу-өтініш беру жүйесіне көшудің маңыздылығына, сайлау және Парламент туралы Конституциялық заңдарға өзгертулер енгізу қажеттілігіне назар аударылады.