АЗАМАТТЫҚ ҚҰҚЫҚ ЖӘНЕ АЗАМАТТЫҚ ІС ЖҮРГІЗУ ҚҰҚЫҒЫ

Шарттық құқықтағы парасаттылық категориясы

Аңдатпа

Мақалада шарттық құқықтағы негізгі құқықтық қағидалардың бірі ретінде парасаттылық категориясы қарастырылады. Заманауи азаматтық заңнама адалдық пен әділдік қағидаларымен қатар, құқық субъектілерінің мінез-құлқының парасаттылық қағидасына сәйкес болуын талап етеді. Автор парасаттылық ұғымы бағалау санатына жататынын, оның мазмұнын түсіндіруде құқық қолданушыға белгілі бір еркіндік берілетінін атап көрсетеді. Парасаттылық қоғам мен жеке тұлғаның өмірлік жағдайларымен тығыз байланысты және тарихи тұрғыдан қалыптасқан «дұрыс» және «дұрыс емес» түсініктерін бейнелейді. Бұл ұғым құқықта өзінің нормативтік көрінісін тауып, шарт еркіндігінің шектерін және тараптардың міндеттерін әділ бөлуге ықпал етеді. Қорытындыда автор азаматтық құқықтағы парасаттылық критерийлерін әрі қарай теориялық және практикалық тұрғыдан дамыту қажеттігін атап өтеді.