ҚЫЛМЫСТЫҚ ҚҰҚЫҚ ЖӘНЕ КРИМИНОЛОГИЯ

Куәгерлер мен жәбірленушілерді қорғау мысалындағы зорлық-зомбылықтың алдын алудың арнайы криминологиялық шараларына талдау

Аңдатпа

Ұсынылған мақала куәгерлер мен жәбірленушілерді қорғау мысалында зорлық-зомбылықтың алдын алудың арнайы криминологиялық шараларын талдауға арналған. Бұл шаралардың ауқымдылығын ескере отырып, автор оларды аталған субъектілерді қорғау проблемалары арқылы қарастырады. Жұмыста доктриналық дереккөздер мен Қазақстан Республикасының қолданыстағы заңнамасы талданып, тиісті қорытындылар жасалған. Зерттеу криминологиялық әдебиеттерді, халықаралық тәжірибені және ұлттық заңнаманы талдауға негізделген. Мақалада қорғау шараларын іске асырудың практикалық мәселелері мен қылмыстық процеске қатысушылардың қауіпсіздігін қамтамасыз ететін институционалдық тетіктер қарастырылады. Сонымен қатар халықаралық тәсілдер зерттеліп, олардың ұлттық құқықтық жүйеде қолданылу мүмкіндігі бағаланады. Зерттеу нәтижелері зорлық-зомбылық қылмыстарының алдын алуға бағытталған шараларды жетілдірудің негізгі бағыттарын айқындауға мүмкіндік береді.